P.F Chang's
عنده فروع كثيرة في العالم, لكن في منطقتنا اشهر فروعه في الافينيوز بالكويت و وشارع الخليج في الكورنيش
وله فروع في لبنان و في مردف سيتي سنتر في دبي وامارات مول .. والمكان اللي باروحله اللحين في دبي مول
المطعم عليه اقبال كبير وصعب جدا تحصل فيه مكان خصوصا في الاجازات والويك اند وعنده طريقته الخاصه :
وهي ان يعطيك ( بليب ) او ( بيجر ) وتخليه عندك ولين جا دورك راح يرن البليب يعني تعال حصلنالك مكان وحتى لو رحت بعيد ومارن البليب راح يتصلون فيك اكثر من مره علشان يأكدون على حضورك
المطعم فيه انواع كثيره وعديده من الاكلات الصينية والمنيو فيه من كل مالذ وطاب
لكنه يشتهر بالستارتر ( الداينمايت شريمب ) و هو من وجهة نظري احلى ستارتر ممكن تاكله في اي مطعم في العالم تقدر تطلبه من غير سوس حق اللي مايحب السبايسي
وهو عبارة عن قطع ربيان طرية مع سوس خاص بالمطعم ( سبايسي ) + حلو بخليط خاص ونادر ومانصحكم تخلونه ( شيرينغ ) لأنه بيخلص بسرعه .. فنصيحتي ان كل واحد يطلب له طلب بروحه وفي ناس يحبون يخلونه ( مين كورس ) مع عيش
ويجيبون لك تجربة للصلصات علشان تعرف اذا تبيها حاره ولا متوسطه الحرارة او حاره جدا اللي يظنها البعض انه كيف راح يستخدم العصا الصينية في الاكل او ( الشوبيستكس ) اللي يقدمها المطعم وهالشي طبعا مب اجباري لانك تقدر بكل بساطه تطلب الشوكة والسجين العادية وتاكل فيهم .
ليست هناك تعليقات:
إرسال تعليق